Një ngjarje e rëndë raportohet nga Greqia, ku një baba i dy fëmijëve dyshohet se ka përdhunuar prej vitesh vajzën e tij të mitur që në moshën 4-vjeçare.
Ka qenë ish-bashkëshortja e tij ajo që ka kontaktuar autoritetet dhe ka raportuar se burri prej 5 vitesh kryente akte gjenitale në dëm të vajzës së tyre të mitur.
Sipas informacioneve nga burime të mirëinformuara, ngjarja filloi të zbardhej kur vëllai i vogël gjeti një prezervativ në shtëpinë e babait dhe e pyeti se çfarë ishte. Ai u përgjigj se ishte e të dashurës së tij. Por duke u kthyer në shtëpi, djali i vogël ka rrëfyer nënës së tij atë që i ka ndodhur motrës së tij. Kur vajza e dëgjoi historinë shpërtheu në lot dhe kur nëna e saj e pyeti se çfarë po ndodhte ajo filloi t’i tregonte për tmerrin që po jetonte nga babai i saj.
Mediat greke madje thonë se ai kishte fotografuar një pjesë të turpit të saj dhe i kishte ruajtur në celularin e konfiskuar.
Personi është arrestuar dhe kundër tij është ngritur një dosje për përdhunim, abuzim me të mitur, marrëdhënie seksuale mes të afërmve dhe pornografi të të miturve. /vizionplus.tv
