Mediat britanike kanë zbuluar detaje në lidhje me mënyrën se si u vra lideri i Hamasit, Ismail Haniyeh disa ditë më parë në Teheran.
Sipas The Telegraph, ekspluzivi u vendos në tre dhomat e godinës në Teheran ku po qëndronte lideri i Hamasit dhe u shpërthyen nga distanca pasi agjentët u siguruan se ku ndodhej ai.
Gazeta raporton se Mossad punësoi agjentë iranianë të sigurisë për të vendosur eksplozivët duke u siguruar që ai të vdiste gjatë këtij operacioni.
Fillimisht, Mossad kishte planifikuar vrasjen e Haniyeh në maj të këtij viti , gjatë pjesëmarrjes së tij në funeralin e ish-presidentit të Iranit, Ebrahim Raisi. Megjithatë, plani nuk u realizua për shkak të numrit të madh të njerëzve në ndërtesë, duke rritur shanset për dështim, thanë për Telegrafin dy zyrtarë iranianë.
Agjentët e përfshirë në operacion u panë duke hyrë dhe dalë në disa dhoma brenda pak minutash, sipas zyrtarëve që panë videot nga kamerat e sigurisë së ndërtesës.
Autorët janë larguar fshehurazi nga vendi, por kanë pasur ende një bashkëpunëtor në Iran, i cili kreu shpërthimin. Në orën 2 të mëngjesit të së mërkurës, ai shpërtheu eksplozivin nga jashtë në dhomën ku po qëndronte Haniyeh, duke shkaktuar vdekjen e tij. /vizionplus.tv
