Lojërat Olimpike do të mbahen në Paris me një qeveri të përkohshme dhe më pas do të fillojnë diskutimet për formimin e një qeverie të re, tha presidenti francez Emmanuel Macron. Në fakt, ai u bëri thirrje të gjitha palëve që të bashkëpunojnë dhe të bëjnë kompromis në mënyrë që javët e ardhshme, gjatë Lojërave, të ecin pa probleme.
Macron, në intervistën e tij të parë që nga zgjedhjet në fillim të korrikut, pranoi se partia e tij e qendrës kishte humbur disa vota, por nuk pranoi të komentonte propozimin e Frontit të Majtë për një kryeministër të ri.
“Problemi nuk është emri, është se çfarë mazhorance mund të ketë në Asamblenë Kombëtare dhe çfarë programi do të zbatojë”, theksoi ai.
Ai gjithashtu përjashtoi mundësinë e dorëheqjes para përfundimit të mandatit të tij.
Duke iu referuar kryeministrit izraelit, Benjamin Netanyahu tha se megjithëse nuk është thellësisht dakord me të, ai do të mirëpriste praninë e tij në fillimin e Lojërave Olimpike. /vizionplus.tv
