Rajmonda Nika, gruaja e Aleks Nikës një nga 4 protestuesit e vrarë në 21 janarin e vitit 2011, është paraqitur këtë të hënë në ambientet e Prokurorisë së Posaçme.
Ajo ishte e shoqëruar nga xhaxhai i të ndjerit, Mark Nika. Të dy janë thirrur në kuadër të rihapjes së hetimeve për vrasjet në bulevard.
Rajmonda Nika fitoi betejën në Strasburg. Gjykata Ndërkombëtare e konsideroi si vrasje shtetërore “21 janarin”. Më pas Gjykata e Lartë vendosi që dosja të kalonte në Prokurorinë e Posaçme.
Familjarët e Aleks Nikës pretendojnë se kanë një kasetë ku duket se urdhri për të qëlluar drejt turmës është dhënë nga Ndrea Prendi pas komunikimit me ish-kryeministrin Sali Berisha.
Familjarët e Aleks Nikës akuzojnë drejtpërdrejt Sali Berishën, Lulzim Bashën si ish-ministri i brendshëm si dhe drejtuesit e Gardës asokohe për vrasjen.
SPAK ka nisur hetimet për tre vepra penale, “vrasje në rrethana të tjera cilësuese e kryer në bashkëpunim”, “shpërdorim detyre” si dhe “kryerja e veprimeve që pengojnë zbatimin e së vërtetës.”/vizionplus.tv
