Ministri i Mbrojtjes, Niko Peleshi ka informuar në lidhje me situatën e zjarreve në vend.
Ai ka bërë me dije se po vijon operacioni për shuarjen e flakëve në fshatrat e bashkisë Dropull, ku janë angazhuar 30 efektivë të Forcave të Armatosura dhe është vënë në dispozicion një helikopter.
“Helikopteri Cougar dhe rreth 30 efektivë të Forcave të Armatosura janë riangazhuar mëngjesin e sotëm në operacionin për shuarjen e zjarrit intensiv në fshatrat e bashkisë Dropull, por ka krijuar problematikë edhe në fshatrat Pecë dhe Kardhikaq të bashkisë Finiq.
Nën koordinimin e Agjencisë Kombëtare të Mbrojtjes Civile po punohet me forcat dhe automjetet zjarrfikëse të bashkive Finiq, Delvinë, Sarandë, Dropull, Gjirokastër dhe Përmet për të stabilizuar situatën e krijuar prej ditës së djeshme”, bën me dije Peleshi.
/vizionplus.tv
