Kryetari i Partisë Demokratike, Sali Berisha mbrëmjen e sotme është ndalur te protesta e 11 korrikut, e thirrur nga kjo forcë politike.
Berisha thotë se protesta do të shërbejë për rikthimin e votës së lirë në Shqipëri.
Berisha: Protesta e 11 korrikut është protestë për thelbin e lirisë, për thelbin e dinjitetit njerëzor. Protestë për rikthimin e votës së lirë në Shqipëri. Historia e njerëzimit ka faktuar se vota e lirë është mekanizmi themelor i shtetit ligjor, i barazisë para ligjit, i lirisë së tregut, i zhvillimit dhe begatimit të një vendi.
Ai i ka bërë thirrje qytetarëve që të dalin në shesh. 11 korriku, deklaroi Berisha, është dita kur do të thuhen të vërtetat.
Berisha: Më 11 korrik, kudo që të jenë, të ndodhet në shesh. Në protestë, në betejë, në betejë për fitore, në betejë për votën e lirë. Demokrate e demokratë, 11 korriku është protesta për disa të vërteta të hidhura, por të vërteta që presin zgjidhje nga ne dhe jo anashkalim./vizionplus.tv
