Gjykata e Lartë mori vendimin për ish-presidentit Trump duke i dhenë imunitet të pjesshëm. Ky vendim nuk i ka pëlqyer aspak presidentit të Shteteve të Bashkuara, Joe Biden, i cili e ka përshkruar si precedent të rrezikshëm.
Biden tha se vendimi e minon sundimin e ligjit dhe është një dëm i tmerrshëm për amerikanët.
“Secili prej nesh është i barabartë para ligjit. Askush, askush nuk është mbi ligjin. As presidenti i Shteteve të Bashkuara”, tha Biden.
“Njeriu që dërgoi turma në Kongresin e SHBA-së, përballet me një dënim të mundshëm penal për atë që ka ndodhur atë ditë. Populli amerikan meriton të ketë përgjigje në gjykata, përpara zgjedhjeve të ardhshme”, shtoi Biden.
Nga ana tjetër, Trump, ditën e djeshme tha se vendimi i gjykatës është një fitore e madhe për demokracinë.
