Gjykata e Posaçme ka rrëzuar kërkesën e Anteroi Kaloshit për kundërshtim të vendimit për futjen në izolim të posaçëm “41 Biss”. Përfaqësuesi ligjor i Anteroi Kaloshit pretendoi se Kaloshi nuk ka shfaqur rrezikshmëri gjatë qëndrimit të tij në qeli, por argumentet e paraqitura nuk kanë bindur Gjykatën e Posaçme.
Anterio Kaloshi i dënuar me burgim të përjetshëm u izolua në regjimin e posaçëm “41 biss” më 3 prill.
Nga të dhënat që ka siguruar Shërbimi i Brendshëm i Burgjeve dhe nga verifikimet përkatëse të strukturave ligjzbatuese, janë ngritur dyshime se ai ka pasur komunikime me subjekte të krimit jashtë qelisë.
Anterio Kaloshi është dënuar përjetë për masakrën e Lushnjes në vitin 2017, ku përfshihet edhe Laert Haxhiu, teksa u ekzekutuan me armë Zamir Latifi e Jurgen Hoxha, si dhe u plagos Marius Xhepexhiu.
Kaloshi gjithashtu ka fshehur dhe strehuar Orges Bilbilin, tjetër i arrestuar si një nga autorët e ngjarjes./vizionplus.tv/
