Qindra hektarë tokë bujqësore në zonën e Dumresë janë pushtuar nga karkaleci i cili ka dëmtuar të mbjellat. Zona më problematike paraqitet në Belsh, por vatra sporadike ekzistojnë edhe në fshatrat përreth.
Sipas fermerëve karkaleci ka shkatërruar të gjitha të mbjellat, e tashmë po dëmton edhe pemëtarinë.
“Çdo parcelë ku të shkosh ka karkaleca. Jonxhat i ka bërë copa. Nuk kam korrur asnjë kostër, spërkatje i kam bërë vetë nuk ka bërë efekt”, thonë fermerët.
Drejtori Rajonal i Veterinarisë dhe mbrojtjes së bimëve Fatmir Ozuni pasi ka inspektuar situatën në terren thotë se sipërfaqe të tëra në Belsh ndodhen në kushtet e emergjencës .
“Zona e Belshit është një vatër active kjo është nderhyrja e dyte që bëjm këtë vit. në vitin e parë rezultatet qenë positive sepse zhdukëm disa vatra dhe sivjet ato vatra nuk janë, por kemi vatra të reja të cilat sot me mbështetjen e ministrisë do marrim masat për të ndërhyrë”, thotë Onuzi.
“Kemi urdhëruar nisjen e dezinfektimit”, bëhet me dije.
Duke qenë se banorët mbarështojnë kafshë të imëta dhe të trasha dezinfektimi i vatrave të infeksionit kryhet me një preparat që nuk i dëmton këto të fundit dhe kryesisht pasditeve.
Meqë kjo është zonë që ka blegtori perparitui që përdoret është paqëesor me mejdisin dhe nuk dëmton”, thotë Ramazan Kapllani, përgjegjës i Sektorit të Mbrojtjes së Bimëve në Elbasan.
Një situatë e tillë në zonën e Dumresë përsëritet prej tre vitesh. Dezinfektimet sporadike të vetë fermerëve rezultojnë të pasuksesshme pasi karkaleci lëviz dhe rikthehet. /vizionplus.tv