![Merr flakë stani në Vlorë, digjen 11 krerë bagëti të imëta, pronarja: Ishte i qëllimshëm](https://www.vizionplus.tv/wp-content/uploads/2024/06/Screenshot_1-19-710x400.png)
Vlorë- Një stan me bagëti të imta ka marrë flakë përgjatë mbrëmjes të së dielës në fshatin Babicë e Madhe. Si rrjedhojë e flakëve janë djegur 11 krerë, dhën, keca dhe qingja.
Pronarja e stanit, Mbarime Jonuzaj thotë se flakët janë të qëllimshme. Sipas saj stanit i është vendosur flaka pasi aty nuk kanë as energji elektrike dhe është e pamundur që të jetë aksidental.
Ajo shton se nuk dyshon tek askush pasi nuk kanë hasmëri me asnjë person
Zonja Jonuzaj deklaroi se ndërhyrja e forcave të policisë dhe shërbimit zjarrëfikës ishte e menjëhershme.
E kanë ndihmuar edhe banorë të fshatit por pa mundur të shuajnë flakët. Dëmi sipas saj është vertet i madh dhe skanë mundësi t’i zëvendësojnë bagëtitë pasi me ato ushqeheshin.
Në banesë janë të vendosura edhe kamera sigurie të cilat kanë filmuar lëvizjet në zonë si dhe momentin e flakëve. Pamje filmike pritet të ndihmojnë në zbardhjen e rastit./vizionplus.tv