Një shqiptar është ekstraduar ditën e sotme nga Hungaria në Greqi. Mediat helene raportojnë se i riu shqiptar ishte shpallur në kërkim ndërkombëtar, pasi ishte arratisur nga burgu.
Sipas mediave raportohet se shqiptari ishte dënuar me 15 vite burg për një grabitje dhe në vitin 2005-së ishte transferuar në burgun e Alikaransos për të vuajtur dënimin.
Pas 10 muajsh, në vitin 2006, ai mori leje disa ditore nga burgu për të mos u kthyer më. Mediat greke raportojnë se që në ditët e para të lejes, ai i largua nga Greqia dhe duke pasur rreth të gjerë miqsh, vizitoi disa shtete për të përfunduar në Hungari ku edhe u kap.
Ai është transferuar sërish në burgu e Alikarnasos, ku ndan qelinë me një tjetër shqiptar deri sa të vendoset se ku do ta vuajë dënimin, me shumë mundësi në burgun e Hanias.
