Italia vendos rikthimin e karantinës për qytetarët apo shtetasit që në 14 ditët e fundit mbërrijnë nga Rumania dhe Bullgaria.
Lajmi bëhet i ditur nga ministri italian i Shëndetësisë, Roberto Speranza, pas nënshkrimit të urdhërit të ri.
Kjo ndodh për herë të parë pas rihapjes së kufirit më 1 korrik, që dy vende të BE-së përjashtohen nga regjimi i lëvizjes së lirë.
“Virusi ende nuk është mundur dhe vazhdon të qarkullojë. Dhe për këtë arsye nevojitet ende kujdes dhe vëmendje”, tha ministri Speranza, i cili u takua me ministrin e Jashtëm, Luigi Di Maio, për të verifikuar kornizën epidemiologjike në një nivel ndërkombëtar.
Corriere.it, shkruan se kjo situatë pritet të sjellë dëme bujqësisë italiane pasi do të mungojnë 100 mijë punëtorë sezonalë nga vendet lindore./VIZION PLUS/
The post Italia rikthen karantinën 14 ditore për këto 2 shtete të Ballkanit appeared first on Vizion Plus.
