Një zjarr ka rënë në zonën e ullishteve në fshatin Veleshnje në Berat. Zjarri ka nisur papritur në një nga ullishtet e fshatit dhe si pasojë e erës zjarri është përhapur me shpejtësi drejt zonës kodrinore,të mbushur me pemë ulliri.
Në zonën e zjarrit kanë shkuar menjëherë 2 grupe shërbimi të Shërbimeve Zjarrëfikëse dhe në një kohë të shkurtër zjarri është vënë nën kontrroll. Si pasojë e zjarrit është djegur një sipërfaqe e konsiderueshme me shkurre e ferra dhe disa rrënjë ullinj.
Advertisement
Falë ndërhyrjes së shpejtë të zjarrëfikësve,fatmirësisht nuk pati dëme në njerëz dhe në banesat që ndodheshin shumë pranë vatrës së zjarrit.
