Siç njoftojnë nga MPB gjatë ditës së djeshme në vendkalimin kufitar “Aeroporti ndërkombëtar Shkup” është arrestuar M.M (28) nga Gostivari, i cili më pas është dërguar në stacion policor të Gostivar, për shkak se është kërkuar nga policia e Gostivarit.
“Më 06.07.2020 kundër tij është ngritur kallëzim penal për veprën penale ‘rrezikim të sigurisë’ sipas nenit 114 paragrafi 4 nga Kodi Penale”, shprehen nga MPB, njofton Telegrafi Maqedoni.
Personi me inicialet M.M dyshohet se përmes rrjeteve sociale ka drejtuar kërcënime, përkatësisht ka rrezikuar sigurinë e një funksionari të Qeverisë së Maqedonisë së Veriut.
Ai është mbajtur në stacion policor dhe do të dërgohet pranë gjykatësit në procedurë paraprake në Gjykatën Themelore të Gostivarit./Telegrafi/
The post Arrestohet një person nga Gostivari i cili ka kërcënuar një funksionar në Qeveri appeared first on Telegrafi.
