Vetekzaminimet e rregullta të gjirit mund t’ju ndihmojnë të zbuloni anomalitë në gjoks, ndërsa mamografia mund të sigurojë një pamje të plotë të ndryshimeve të indeve që keni. Megjithatë, ka disa simptoma që janë më pak të njohura dhe mund të ndihmojnë në identifikimin e kancerit të gjirit.
Një gungë në gji ose nën sqetull që mund të ndihet me dorë është treguesi më i zakonshëm i kancerit të gjirit. Tregon që personi ka përhapje të qelizave jonormale, ndaj është mirë që të konsultoheni me një mjek, i cili do të përcaktojë nëse bëhet fjalë për kancer gjiri apo mund të keni një problem tjetër shëndetësor, si ndryshimet hormonale. Probleme të tjera janë:
1. Thithat me luspa ose të kuqe
Një zonë e çarë rreth thithave mund të jetë shenjë e kancerit të gjirit, por gjithashtu mund të jetë shenjë e një sëmundjeje të lëkurës. Përveç kësaj, luspimi i lëkurës në gjoks mund të shkaktohet nga rrobat e ashpra dhe sutjenat e ngushta. Në çdo rast, konsultoni një mjek.
2. Rrjedhje nga gjiri. Nëse nga thitha juaj rrjedh lëng ngjyrë kafe, e verdhë ose e kuqe, duhet të kontaktoni mjekun. Rrjedhjet që nuk shkaktohen qëllimisht dhe shfaqen vetëm në njërin gji, janë një shenjë se duhet të shkoni te një profesionist.
3.Thithat e rrafshuara ose të tërhequra
Nëse keni vënë re se forma e thithit tuaj ka ndryshuar duke u tërhequr drejt gjoksit ose duke u dukur e rrafshuar, ka shumë mundësi që kjo të jetë për shkak të kancerit të gjirit. Gjithashtu, thithat mund të ndryshojnë formën gjatë shtatzënisë ose nëse keni temperaturë. Mirëpo, nëse ndjeni dhimbje, kruajtje ose skuqje, shkoni te mjeku.
4.Trashje e sipërfaqes së gjirit
Nëse sipërfaqja e gjinjve tuaj bëhet më e trashë ose më e vështirë në prekje, kjo mund të tregojë një simptomë të hershme të kancerit. Trashja mund të jetë në sipërfaqen e lëkurës ose brenda gjirit dhe mund të shkaktohet nga qelizat kancerogjene që bllokojnë qarkullimin në gji.
