Policia e Vlorës ka parandaluar një ngjarje të rëndë kriminale.
Në një njoftim për media, blutë bëjnë me dije se kanë marrë një denoncimi se një 28-vjeçar po lëvizte me një automjet dhe se kishte kallashnikov për të kryer një vrasje.
Pas kësaj, ata janë vënë në lëvizje, ku kanë bërë të mundur arrestimin e të riut, ndërsa ka proceduar penalisht dy pasagjerët e tjerë, për moskallëzim krimi.
Në cilësinë e provës materiale, policia sekuestroi edhe kallashnikovin, me të cilin do të kryhej vrasja.
Vlorë/Finalizohet operacioni policor i koduar “Aleksandria”.
Parandalohet një ngjarje e rëndë kriminale.
AdvertisementSekuestrohet një armë zjarri kallashnikov.
Arrestohet në flagrancë 28-vjeçari që e mbante armën në automjet ndërkohë që qarkullonte në qytetin e Vlorës.
AdvertisementProcedohen penalisht 2 shtetas (pasagjerë në automjet), për moskallëzim krimi.
Strukturat hetimore të Komisariatit të Policisë Vlorë, në bashkëpunim me shërbimet e Forcës së Posaçme “Shqiponja”, në bazë të informacioneve të siguruara nga inteligjenca policore se një 28-vjeçar po qarkullonte në qytetin e Vlorës, me një automjet në të cilin mbante armë zjarri dhe se do kryente një krim të rëndë, kanë organizuar dhe finalizuar operacionin policor të koduar “Aleksandria”.
AdvertisementNë kuadër të këtij operacioni u bë kapja dhe arrestimi në flagrancë i shtetasit:
– D. P.(A.), 28 vjeç, për veprën penale “Mbajtja pa leje dhe prodhimi i armëve, armëve shpërthyese dhe i municionit”.
AdvertisementGjatë kontrollit të ushtruar në automjetin e tij, shërbimet e Policisë gjetën dhe sekuestruan në cilësinë e provës materiale 1 armë zjarri kallashnikov.
Për shkak të sekretit hetimor, duke qenë se ngjarja është në hetim, nuk jepen detaje të tjera në lidhje me motivet dhe objektivin e synuar nga i arrestuari.
AdvertisementGjithashtu, në vijim të veprimeve, nisi procedimi në gjendje të lirë për shtetasit F. F., 17 vjeç dhe A. H., 17 vjeç, të dy banues në Vlorë, pasagjerët që udhëtonin së bashku me 28-vjeçarin, në automjetin e tij, për veprën penale “Moskallëzimi i krimit”.
Materialet i kaluan Prokurorisë pranë Gjykatës së Rrethit Gjyqësor Vlorë, për veprime të mëtejshme procedurale.
