Dhunë ndaj bashkëshortres dhe motrës/ Dy të arrestuar në Tiranë

Policia e Tiranës ka arrestuar dy persona në Tiranë, të cilët akuzohen për dhunë në familje.

Blutë bëjnë me dije se në pranga ka rënë 47-vjeçari me iniciale A.B, i cili ka dhunuar motrën edhe pse kjo e fundit ishte e pajisur me urdhër mbrojtje.

Po ashtu, është arrestuar edhe 36-vjeçari me iniciale H.I që ka goditur gruan e tij.

Specialistët për Hetimin e Krimeve të Komisariatit Nr. 3 arrestuan shtetasin A. B., 47 vjeç, banues në Tiranë, pasi ka ushtruar dhunë ndaj motrës së tij, e cila është e pajisur me urdhër mbrojtjeje.

 

Advertisement

Specialistët për Hetimin e Krimeve të Komisariatit Nr. 5 arrestuan shtetasin H. I., 36 vjeç, banues në Kamzë, pasi ka ushtruar dhunë ndaj bashkëshortes së tij.