Inter u kualifikua me shumë vuajtje për në fazën çerekfinale të kupës së Italisë. Zikatrit mposhten Parmën e serisë B, vetëm në kohën shtesë me rezultatin 2 me 1.
Ndeshja në “San Siro” ishte më e vështirë sesa mund të ishte menduar për skuadrën e Simone Inzagit.
Diferencat e organikaneve dhe të kategorive ku ekipet marrin pjesë nuk janë ndjerë për shumë e shumë minuta në këtë duel.
Përveç dy episodeve me Lautaron dhe Galjardinin, të zotët e shtëpisë nuk bënë asgjë për të kënaqur 50 mijë tifozët e “San Siros” në pjesën e parë.
Jo vetëm kaq por morën gol në minutën e 38 nga Juric. E po të mos kish qenë edhe për një pritje të Onanës në dëm të Benedizhiak, shifrat në pjesën e parë mund të ishin edhe më të thella në favor të Parmës.
Edhe gjysma e pjesës së dytë kishte të njëjtën pamje, me Parmen që u mbrojt mirë pa marrë raste të rrezikshme.
Pastaj pas minutës së 70 nisi ofensiva totale e Interit drejt portës së Buffon.
Mirëpo për të barazuar shifrat u desh vetëm minuta e 88 pas një goditje të saktë të Lautaro Martinez. Për të çuar ndeshjen në shtese mendoi një super Buffon.
Legjenda e portës italiane për pak 45 vjeç bëri një superpritje ndaj Xhekos. Për të zgjidhur ndeshjen pasi ajo shkoi me shtese mendoi Acerbi në minutën e 110 përpara se gjithçka të mbetej në dorën e lotarisë se penalltive.
Ne kete ndeshje luajti si titullar Kristjan Asllani, mesfushor i kombetares shqiptare.
Ai ishte nje nga me te miret ne fushe per Interin.
Sot eshte radha e Milanit qe do te kerkoje kualifikimin ne cerekfinale perballe Torinos.
