Pas kërkesës së Donald Trump drejtuar Departamenti të Drejtësisë për të publikuar të paredaktuar mandatin për kontrollin në rezidencën e tij në Mar-a Lago, një gjykatë në Florida ka publikuar urdhrin, por sërish të redaktuar në masën 50%.
Në dokumenti 32 faqe thuhet se FBI dyshonte se në rezidencën e Trump do të gjente prova që ish-presidenti ishte i përfshirë në pengim të hetimeve. Vet ish-presidenti shkroi në rrjetin social “Truth” duke thënë se hetimi ndaj tij është një gjueti shtrigash.
DONALD TRUMP
ISH-PRESIDENTI AMERIKAN
Deklarata është shumë e redaktuar! Asgjë nuk përmendet mbi “Bërthamoret”, një mashtrim total i marrëdhënieve me publikun nga FBI-ja dhe departamenti i Drejtësisë, apo në marrëdhëniet tona të punës në lidhje me kthimin e dokumenteve – ne i dhamë shumë.
Nga ana tjetër në deklaratën e FBI pretendohet se u zbuluan të dhëna të klasifikuara në 14 nga 15 kutitë me dokumente të sekuestruara në rezidencën e ish-presidentit. Ndër të tjera deklarata thekson se 25 prej dokumenteve ishin të etiketuara si top sekret.
Hetimi ndaj Trump është i pari në historinë e SHBA ndaj një ish-presidenti dhe është pritur me shumë reagime nga qytetarët, por edhe partitë politike.
Vet Trump ka theksuar se hetimi ndaj tij është i motivuar politikisht me qëllim pengimin e tij nga rikandidimi për presidencialet e 2024.
