Shqiptohen 177 masa në Shkup, 39 për tejkalim të shpejtësisë

Ministria e Punëve të Brendshme gjatë ditës së djeshme (04.08.2022) ka vazhduar me kontrollet e intensifikuara në fushën e trafikut.

“Në territorin e qytetit të Shkupit janë shqiptuar gjithsej 177 masa, nga të cilat 39 masa për tejkalim të shpejtësisë, 15 masa për drejtim të automjetit pa patentë shofer, nëntë masa për kundërvajtje nga drejtuesit e motoçikletave.

Janë vendosur 13 masa për përdorim të celularit, 12 masa për kalim në sinjalizim të mbyllur (semafor të kuq), tetë masa për mospërdorim të rripit të sigurimit, nëntë masa për parakalim dhe qarkullim të paligjshëm, gjashtë për mosrespektim të përparësisë”, njoftojnë nga MPB.

The post Shqiptohen 177 masa në Shkup, 39 për tejkalim të shpejtësisë appeared first on Telegrafi.