Policia e Sarandës ka nisur hetimet për vdekjen e 22-vjeçarit Armando Kazma, i cili humbi jetën tragjikisht pasi e zuri poshtë tenda e kalçetos.
Hetuesit po kryejnë vlerësime të kushteve të sigurisë të mjedisit sportiv ku ndodhi ngjarja. I riu ishte duke luajtur futboll me shokët, por u zu poshtë nga hekurat anësorë të rrethimit të kalçetos, të cilat u rrëzuan nga stuhia e shiut që përfshiu qytetin e Sarandës.
Advertisement
Ngjarja e rëndë ndodhi rreth orës 20:40 të mbrëmjes së të hënës, ndërsa kjo është hera e parë që uniformat blu të qytetit të Sarandës nisin hetimet për një rast të tillë.
