Në statistikat e sotme të Ministrisë së Shëndetësisë në lidhje me coronavirusin, është konfirmuar rasti i parë në qytetin e Resnjës.
Këtë e ka konfirmuar edhe kryetari i komunës Zhivko Gosharevski, i cili tha se në rrjedhë janë anketat epidemiologjike për të parë se me kë ka kontaktuar i infektuari, përcjell Telegrafi Maqedoni.
“Nuk ka vend për panik. Rekomandimet mbeten të njëjta, poashtu edhe masat. Mbajtja e distancës, maskës dhe higjiena personale. Vetëm në këtë mënyrë do ta mposhtim armikun e padukshëm. Të gjithë jemi përgjegjës dhe duhet të japim gjithçka nga vetja për të dalë nga kjo situatë”, tha kryetari i Resnjës.
Resnja ishte qyteti i vetëm në Maqedoni, në të cilin nuk kishte asnjë të infektuar me Covid-19./Telegrafi/
The post Rasti i parë me COVID-19 në Resnjë, Gosharevski: Nuk ka vend për panik appeared first on Telegrafi.
