Ish kryeministri Sali Berisha ka reaguar për hartën e re gjysore.
Në një deklaratë për mediat, Berisha tha se më këtë vendim gjobiten dhe ndëshkohen banorët e 10 qytetave. Sipas tij, miratimi i hartës së re gjyqësore është një shkelje e rëndë e të drejtave të njeriut.
“Harta e re e gjyqësorit e Edi Ramës, është një ndëshkim i ri për qytetarët, një rrënim i të drejtës së qytetarëve shqiptarë për një proces të rregullt gjyqësor.Pas përgjysmimit të gjykatësve e prokurorëve me pseudoreformën e sistemit të drejtësisë e vetingun gjueti shtrigash, vendosjen në kontroll të plotë të ekzekutivit, krijimin e stokut të dosjeve gjyqësore dhe mohimit de fakto të të drejtës për një proces të drejtë gjyqësor, Rama urdhëroi në një akt të papërgjegjshëm, dhe të mirëfilltë politik KLGJ e partisë të mbyllë 18 gjykata në shkallë vendi”, tha Berisha.
