Jemi duke punuar vazhdimisht në ruajtjen e diversitetit dhe biodiversitetit në vend ndërsa gjatë periudhës së kaluar kemi shënuar një numër arritjesh në këtë fushë, porositi ministri i Mjedisit Jetësor dhe Planifikimit Hapësinor, Naser Nuredini në deklaratën e tij me rastin e shënimit të 5 Qershorit – Ditës së Mjedisit Jetësor.
“Më vjen mirë që këtë vit bota e shënon 5 qershorin, ditën e mjedisit, në shenjë të natyrës. Vendi ynë është përplot me gjëra të rralla natyrore, ne kemi fatin që të jemi të pajisur me biodiversitet të pasur, por në të njëjtën kohë kemi një detyrim ta ruajmë atë”, thotë Nuredini.
“Mbetet që të vazhdojmë me përpjekje serioze për të mbrojtur dhe ruajtur fokusin ndaj këtyre aktiviteteve, pasi ato tani janë më shumë se kurrë: Koha është për natyrën!“, shton Nuredini në deklaratë.
Nën moton “Koha është për natyrën” (#ForNature) sot shënohet Dita botërore e mjedisit jetësor 5 qershori e cila është ditë ndërkombëtare e rëndësishme për ngritjen e vetëdijes për ruajtjen e mjedisit jetësor që shënohet nga viti 1974.
The post Nuredini: Jemi duke punuar në vazhdimësi për ruajtjen e diversitetit dhe biodiversitetit në vend appeared first on Telegrafi.
