Kryeministri Edi Rama ka zbardhur bisedën telefonike që ka realizuar me presidentin e Ukrainës, Volodymyr Zelenskyy.
Teksa ka shpërdarë një sekuencë të shkurtër nga telefonata, Zelenskyy dëgjohet teksa i shpreh mirënjohjen për ndihmën dhe mbështetjen konkrete ndaj Ukrainës.
“Sot pata një telefonatë nga Presidenti Zelensky, i cili më falenderoi për gjithçka Shqipëria po bën në këto ditë tragjike për popullin e tij, për Europën e për mbarë botën, duke nisur nga roli ynë si bashkëpenëmbajtës me SHBA në Këshillin e Sigurimit, tek ndihmat e dhëna për ushtrinë ukrainase, si edhe angazhimi intensiv në kanalet diplomatike me partnerë të rëndësishëm, në mbështetje të Ukrainës. I shpreha presidentit ukrainas të gjithë admirimin dhe solidaritetin e popullit shqiptar në Shqipëri e në Kosovë, me të dhe rezistencën ukrainase, si edhe vullnetin e plotë për të bërë gjithçka mundemi në përmasën tonë të vogël, që Ukraina të triumfojë në luftën e saj liridashëse”, shkruan Rama.
Rama: Hello, Alo..
Zelenskyy: Alo kryeministër, jam presidenti i Ukrainës
Rama: Z. President, si jeni?
Zelensky: Faleminderit shumë, Z. Kryeministër, faleminderit për këtë telefonatë
Rama: Jo, faleminderit juve. Nuk dua t’ju përsëris atë çka po thotë e tërë bota për ju, por thjesht po ju them se do të doja të mund të bëja më shumë për ju, për vendin tuaj! Dhe uroj që të triumfoni.
Zelensky: Faleminderit Kryeministër. Nëse doni që ne të triumfojmë, dua t’ju siguroj që ne e kemi edhe aftësinë edhe forcën tonë…
