Shërbimi i transportit publik në rrethe nuk po ofrohet i plotë për qytetarët.
Shoqata e Transportit Ndërqytetas tha për mediat se operatorët janë detyruar të ulin numrin e flotës në shërbim për shkak të vështirësive ekonomike pas rritjes së çmimit të naftës.
Për këtë arsye, kërkohet nga bashkitë një mbështetje financiare.
DASHNOR MEMAJ
SHOQATA E TRANSPORTIT QYTETAS E NDERQYTETAS
Advertisement
“Transporti në rrethe me keq se në Tiranë. Nuk po operojmë me kapacitet të plotë, por të përgjysmuar për shkak të situatës së rënduar ekonomike. Transporti nuk po funksionon normalisht. Shpresojmë që siç bëri Bashkia e Tiranës së paku me premtime që edhe bashkitë e tjera të ndjekin të njëjtën rrugë dhe të subvencionojnë transportin në rrethe që të mos ketë një kapitullim total.”
Kërkesat e operatorëve të transportit publik mbeten të njëjta dhe nëse nuk plotësohen, ata paralajmërojnë se shërbimi do të vijojë të jetë i përgjysmuar për përdoruesit.
DASHNOR MEMAJ
SHOQATA E TRANSPORTIT QYTETAS E NDERQYTETAS
Advertisement“Heqja e akcizës, TVSH në shitje dhe rimbursimi i kategorive që udhëtojnë falas. Deuam edhe rimbursimin e çdo bilete të shitur.”
Një ditë më parë, operatorët e transportit në kryeqytet gjetën gjuhën e përbashkët me Bashkinë e Tiranës, e cila nisi lëvrimin e fondeve mbështetëse për krizën, me qëllim që të abonetë për muajin mars të mos mungonin në treg dhe të mos bllokohej shërbimi.
