Mumja 3500-vjeçare e faraonit Amenhotep I, e zbuluar në 1881, por që nuk u ‘hap’ kurrë nga arkeologët, është zbuluar në mënyrë dixhitale nga disa shkencëtarë egjiptianë, duke zbuluar detaje të pabotuara mbi jetën dhe vdekjen e mbretit egjiptian.
E zbukuruar me kurora lulesh dhe një maskë simpatike prej druri për fytyrën, mumja ishte aq e brishtë sa arkeologët nuk kishin guxuar kurrë të ekspozonin mbetjet e saj, duke e bërë atë të vetmen mumje mbretërore egjiptiane të gjetur në shekullin e 19-të dhe të pa hapur ende nga studiuesit.
“Duke shkarkuar në mënyrë dixhitale mumjen dhe duke ‘zhveshur’ shtresat e saj virtuale – maskën e fytyrës, fashat dhe vetë mumjen – ne mund ta studiojmë këtë faraon të ruajtur mirë në detaje të paprecedentë,” tha Sahar Saleem, profesoreshë e radiologjisë në Fakultetin e Mjekësia e Universitetit të Kajros dhe radiologu i Projektit Mumja Egjiptiane, në një shënim.
Saleem dhe kolegët e saj zbuluan se Amenhotep I ishte rreth 35 vjeç dhe 169 centimetra i gjatë kur vdiq. Ai gjithashtu ishte bërë synet dhe kishte dhëmbë të shëndetshëm. Brenda kafazeve u gjetën rreth 30 amuleta dhe një rrip ari. Faraoni kishte një mjekër të ngushtë, një hundë të vogël, të ngushtë, flokë kaçurrelë dhe dhëmbë të sipërm pak të dalë, tha Saleem.
Nga hetimet nuk u zbuluan dëmtime apo shenja të tjera që mund të zbulonin shkakun e vdekjes së tij. Kafka e faraonit, përfshirë dhëmbët e tij, ishin në gjendje të shkëlqyer.
Studiuesit zbuluan se në vend të kësaj mumja kishte vuajtur nga lëndime të shumta pas vdekjes, me gjasë të shkaktuara nga grabitësit e varreve të lashta, lëndime të cilat, sipas teksteve hieroglifike, priftërinjtë dhe balsamuesit kërkuan t’i riparonin më shumë se katër shekuj pasi mumifikimit dhe varrosjes për herë të parë.
Amenhotep I sundoi Egjiptin për rreth 21 vjet, midis 1525 dhe 1504 para Krishtit. Ai ishte mbreti i dytë i dinastisë së 18-të dhe udhëhoqi një periudhë mbretërimi kryesisht paqësore, gjatë së cilës ai ndërtoi shumë tempuj.Hulumtimi është publikuar sot në revistën Frontiers in Medicine./ ANSA
