Deputeti nga radhët e Alternativës, Skender Rexhepi njoftoi se pas vendimit që partia e tij i bashkohet shumicës, nesër do të tërhiqet nga posti i koordinatorit të grupit kuvendar të Aleancës për Shqiptarët dhe Alternativës.
Sipas Rexhepit, partia e Alternativës në Kuvend do të vazhdojë sipas marrëveshjes për shumicë parlamentare.
“Bazuar në zhvillimet e reja politike dhe vendimin e Kuvendit Qendror të Alternativës që ne si subjekt politik t’i bashkohemi pushtetit ekzekutiv dhe shumicës parlamentare, unë nesër do ta informoj zyrtarisht kryetarin e Kuvendit të Maqedonisë së Veriut, që dorëhiqem nga posti koordinator i Grupit Parlamentar ASH/AAA. Veprimi jonë si deputetë të Alternativës do të vendoset konform marrëveshjes së re për shumicë parlametare”, shkruan Rexhepi.
Ai shpreh respekt për të gjithë deputetët e ish-koalicionit për bashkëpunimin e deritashëm./Telegrafi/
The post Skender Rexhepi: Nesër tërhiqem nga posti i koordinatorit të grupit parlamentar ASh-AAA appeared first on Telegrafi.
