Kryetari i BDI-së në Maqedoninë e Veriut, Ali Ahmeti ka reaguar në lidhje me incidentin në Glogjan të Deçanit, duke e vlerësuar si skenë shokuese, njofton Telegrafi Maqedoni.
“Plaga e pashëruar rëndohet edhe më shumë nga skenat shokuese nga Gllogjani i Deçanit të Kosovës time.
Jeta e njeriut është e shenjtë, Zoti e fal, Zoti e merr, jo njeriu.
E dënoj në formën më të rreptë të mundur sulmin ç’njerëzor në Gllogjan që la viktima dhe të plagoaur.
I tronditur thellë, bashkëndjej me familjet e viktimave dhe me çdo qytetarë të Kosovës e të gjithë shqiptarët kudo që jemi në këtë botë të trazuar” ka shkruar ai në Facebook.
Ndryshe, në sulmin e autobusit në Gllogjan janë konfirmuar tre të vrarë dhe disa të plagosur. /Telegrafi/
The post Ahmeti: E dënoj në formën më të rreptë të mundur sulmin ç’njerëzor në Gllogjan appeared first on Telegrafi.
