Kandidatja e pavarur për Bashkinë e Shkupit, e mbështetur nga OBRM-PDUKM, Danella Arsovska, sot ka realizuar takim me kandidatët e koalicionit ASH-AAA për Çairin Bekim Sali dhe për Gostivarin Arben Taravari.
Takimi është mbajtur në Çarshinë e Vjetër të Shkupit. Siç bëhet e ditur të tre kandidatët kanë ndarë përvojat nga rrethi i parë i zgjedhjeve dhe presin fitore në rrethin e dytë më 31 tetor.
Arsovska në rrethin e dytë kundërkandidatë për Bashkinë e Shkupit do ta ketë Petre Shilegovin e LSDM-së, ndërsa Bekim Sali dhe Arben Taravari, në rrethin e dytë në Çari dhe Gostivar janë me Visar Ganiun dhe Nevzat Bejtën nga BDI.
Ndryshe, ditën e djeshme kryetari i Aleancës për Shqiptarët Ziadin Sela, realizoi takim me kryetarin e OBRM-PDUKM-së Hristijan Mickoski, pas të cilit thanë se do ta vazhdojnë mbështetjen e ndërsjellë edhe në raundin e dytë të zgjedhjeve lokale./Telegrafi/
The post Taravari dhe Sali në takim me Danella Arsovskën, diskutojnë për rrethin e dytë të zgjedhjeve lokale appeared first on Telegrafi.
