Ministria e Shëndetësisë në Maqedoni e ka publikuar analizën e të vaksinuarve, nga rastet pozitive me Covid-19, në periudhën nga 6 gusht deri më 7 tetor.
Nga MSH thonë se të vaksinuar konsiderohen personat që janë vaksinuar me dy doza dhe kanë kaluar të paktën 14 ditë nga marrja e dozës së dytë të vaksinës, përcjell Telegrafi Maqedoni.
“Në periudhën nga 06.08 deri 7.10.2021 në territorin e vendit, 38,019 qytetarë ishin pozitivë nga ata të testuar për Covid-19, 24% e tyre ishin plotësisht të vaksinuar, pra 9,163 persona. Ekziston një numër i madh i qytetarëve të pavaksinuar që u infektuan me Covid-19”.
“Sipas statistikave për dy muajt e fundit, 28,856, qytetarë, pra 76% e rasteve pozitiv nuk ishin të vaksinuar. Përqindja e personave të shtruar në spital që nuk janë të vaksinuar është 81%, ndërsa vetëm 19% e të gjithë pacientëve të hospitalizuar aktualisht janë plotësisht të vaksinuar”.
“Vdekshmëria tek të pavaksinuarit është në mënyrë drastike më e lartë.. Në periudhën nga 6.08 deri në 7.10.2021 në territorin e vendit vdiqën 1277 pacientë me Covid-19, prej të cilëve 1070 pacientë të vdekur, pra 84% nuk ishin të vaksinuar, dhe vetëm 16%, pra 207 ishin të vaksinuar”, thonë nga MSH.
Sipas analizës, të vdekurit kanë pasur disa sëmundje kronike të kombinuara. Pacientët u vaksinuan me të gjitha llojet e vaksinave që dispozicion në RMV./Telegrafi/
The post MSH Maqedoni: 76% e rasteve të reja dhe 81% e të hospitalizuarve me Covid-19 janë të pavaksinuar appeared first on Telegrafi.
