Ministria e Brendshme e Republikës së Bullgarisë i dorëzoi një notë proteste kreut të përkohshëm të Ambasadës së Republikës së Maqedonisë së Veriut, Vlladimir Krstevski për shkak të një rasti të zëvendësimit të një monumenti bullgar të vendosur në territorin e fqinjit jugperëndimor, theksojnë nga MPB bullgare.
Siç raporton korrespondenti i AIM-s nga Sofja, në takimin e sotëm në Ministri, drejtoresha e Drejtorisë për Evropën Juglindore, Vanja Andreeva, njoftoi ushtruesin e detyrës së ambasadorit në ambasadën e RMV-së, se misioni diplomatik bullgar në Shkup kishte zbuluar se një monument në nder të Dukës Velko Skoçivirçeto dhe tetë gjeneralëve të tij që kishin vdekur në betejë me trupat osmane në vitin 1904 ishte zëvendësuar në oborrin e kishës në fshatin Klepaç të Prilepit.
Gjithashtu u zbulua se mbishkrimi origjinal në gjuhën letrare bullgare ishte zëvendësuar, pjesë të tekstit autentik dhe disa nga emrat e kryengritësve të vrarë ishin hequr./Telegrafi/
The post Bullgaria i dërgon not proteste ambasadës së Maqedonisë së Veriut në Sofje appeared first on Telegrafi.
