Një operacion policor i koduar “Camel”, në Tiranë ka vënë në pranga një 37 vjecar.
Sekuestrohen 21 kg e 35 gram lëndë narkotike kanabis e përpunuar në formë çokollate, vihet në pranga 37-vjeçari (poseduesi i saj) dhe shpallet në kërkim bashkëpuntori i tij.
Uniformat blu e nisën operacionin pas informacioneve që morën për shpërndarjen e lëndëve narkotike kanabis e përpunuar në formë çokollate.
Florian Meti (Martaneshi), 37 vjeç, i dënuar më parë për veprën penale “Armëmbajtja pa leje” u prangos, ndërsa u shpall në kërkim bashkëpuntori i tij shtetasi V. M., 34 vjeç.
Gjatë kontrollit të banesave dhe ambienteve të ndryshme, në një banesë ku ndodhej dhe 37-vjeçari (i arrestuar në flagrancë), shërbimet e Policisë gjetën dhe sekuestruan 84 pako, me peshë 21 kg e 35 gram lëndë të dyshuar narkotike kanabis në formë çokollate.
