Ministrja e Arsimit, Mila Carovska sërish ka përsëritur se fillimi i vitit shkollor 2021-22 me prezencë fizike është në interes të nxënësve.
Ajo shtoi se dikasteri që ajo drejton më kujdes po përcjell gjendjen me pandeminë dhe po respekton të gjitha udhëzimet e dhëna nga autoritetet shëndetësore. Gjithashtu, Carovska tha se janë vetë shkollat ato të cilat do të vendosin për nxënësit që do të ndjekin mësimin online, për arsye të tjera jo shëndetësore, dhe jo Ministria e Arsimit ose Qeveria. Pas propozimit të dhënë nga Ministria e Arsimit, Qeveria dha dritë jeshile që viti i ri shkollor të nis më 1 shtator, më prezencë fizike.
“Nuk do të vendoset nga Ministria e Arsimit dhe Shkencës osë Qeveria, megjithatë, këto janë raste individuale, raste të rralla që në shkolla do të duhet të paraqesin argumente si prindërit ose kujdestarët, varësisht se kush do të vijë të sqarohet në shkollë.
Vetë shkolla, së bashku me personelin mësimor dhe drejtorin do të vendosin për secilën kërkesë individuale që do të arrijë në shkollë”, tha Mila Carovska, ministre e Arsimit dhe Shkencës.
The post Carovska: Mësim “online”, vetëm me kërkesë appeared first on Telegrafi.
