Ministri i Ekonomisë, Kreshnik Bekteshi njoftoi se gjatë ditës së nesërme do të propozohet zvogëlimi i TVSH-së për amvisëritë.
“Ministria e Financave propozon zvogëlimin e TVSH-së prej 18% në 5% për rrymën elektrike për të gjitha amvisëritë në vend”, shkruan Bekteshi.
Ndryshe, në 10 ditët e ardhshme do të bëhet i ditur edhe sa para do të shpenzojnë qytetarët për energjinë elektrike.
Vendimin se sa do të rritet çmimi i energjisë elektronike duhet ta marrë Komisioni Rregullator për Energjetikë, një trup që sipas ligjit, duhet të jetë i pavarur në punën e tij, por anëtarët e tij janë të emëruar nga partitë në pushtet.
Kryetari i këtij trupi, Marko Bislimovski, se kompanitë energjetike, si MEPSO-operatori i Maqedonisë i sistemit të shpërndarjes së energjisë elektrike ka kërkuar rritje prej 104 per qind, ndërmarrja tjetër e shpërndarjes elektrike kanë kërkuar që çmimi për energji të rritet për 1 për qind. Ndërkaq, kompania e shitjes apo e furnizimit të familjeve me energji EVN, ka kërkuar që energjia të shtrenjtohet për 45 për qind./Telegrafi/
The post Kreshnik Bekteshi: Nesër propozohet zvogëlimi i TVSH-së prej 18% në 5% për rrymën elektrike appeared first on Telegrafi.
