Ambasada amerikane në vend e përshëndeti miratimin e Strategjisë kombëtare për parandalim të korrupsionit dhe përplasjes së interesave 2021-2025.
“Ky është një hap i rëndësishëm, por progresi i vërtetë do të valorizohet nga implementimi i suksesshëm i strategjisë. Lufta kundër korrupsionit dhe krimit të organizuar dhe përforcimit të sundimit të së drejtës janë kritike për Maqedoninë e Veriut dhe fokus thelbësor të partneritetit tonë strategjik”, publikoi Ambasada e SHBA-së në faqen e saj në Facebook.
Kuvendi i Maqedonisë së Veriut në seancën e djeshme e miratoi Strategjinë kombëtare për parandalim të korrupsionit dhe përplasjes së interesave 2021-2025, që paraqet një dokument të rëndësishëm në luftën kundër korrupsionit të lartë.
The post Ambasada e SHBA-së e përshëndeti miratimin e Strategjisë kombëtare për parandalim të korrupsionit appeared first on Telegrafi.
