Sipas raportit javor të Institutit të Shëndetit Publik në periudhën nga 08 deri më 14 mars 2021, gjithsej 22.625 materiale u testuan në laboratorët ku kryhet testimi molekular dhe testimi i antigjenit për praninë e SARS-CoV-2, me një rritje prej 7.3% në krahasim me javën e kaluar. 5.456 raste të reja pozitive janë regjistruar nga 34 qytete në vend, me një rritje prej 22.2% krahasuar me javën e kaluar, njofton Telegrafi Maqedoni.
“Shumica e rasteve të regjistruara janë nga Shkupi (n = 2,708; 49,6%), me një incidencë javore – 438,4 / 100,000. Incidenca më e lartë javore prej 809.6 / 100,000 u regjistrua në Demir Kapia.
Përqindja e pozitivëve në periudhën e përmendur varion nga 19.4 në 27.4%, ose një mesatare prej 23.9%, identike me javën e kaluar.
Personat e infektuar ka nga të gjitha grupmoshat. Grupmosha më e zakonshme është mbi 60 vjeç (n = 1,434, 26,3%). Një numër i madh i pacientëve janë të regjistruar në grupmoshat 30-39 (n = 1,064; 19,5%), 40-49 (n = 977; 17,9%), 50-59 (n = 916; 16, 8%) dhe 20-29 (n = 698; 12.8%). Numri më i ulët u regjistrua tek fëmijët e moshës 0-9 (n = 116; 2.1%) dhe 10-19 vjeç (n = 251; 4.6%)”, thuhet në raport.
Në këtë periudhë janë regjistruar 2.737 persona shëruar nga coronavirusi, me një rënie prej 29.7% krahasuar me javën e kaluar. Poashtu janë regjistruar 129 viktima 21 qytete, 2.3 herë më shumë se javën e kaluar. Për sa i përket moshës, 110 persona ishin mbi 60 vjeç, 17 persona të moshës 50-59 vjeç dhe dy persona në grupmoshën 40-49 vjeç.
Më 17.02.2021 në Maqedonia filloi vaksinimin kundër COVID1-9, ndërsa deri më 15 mars 2021 janë vaksinuar gjithsej 5,061 punëtorë shëndetësorë./Telegrafi/
The post ISHP-Maqedoni: Rritje për 22.2% rastet e reja me coronavirus krahasuar me javën e kaluar appeared first on Telegrafi.
