Të shtëna me armë zjarri janë regjistruar mbrëmjen e kësaj të marte në qytetin e Durrësit. Ngjarja ka ndodhur në lagjen nr.12.
Pas një konflikti të çastit për vendin e parkimit, një 45-vjeçar me iniciale J.Z. ka plagosur me armë zjarri në këmbë F. Ç., rreth 23 vjeç. Si pasojë e të shtënave, u plagos në këmbë dhe e ëma e të riut, V. Ç., rreth 45 vjeçe, e cila ndodhej në momentin e sherrit.
Ata janë dërguar në spital nga shërbimet e Policisë dhe ndodhen nën kujdesin e mjekëve, jashtë rrezikut për jetën.
Autori i dyshuar shtetasi Z. J., është shoqëruar menjëherë në ambientet e Policisë Durrës.
Advertisement
