Shteti ka detyrimin të ushtrojë të drejtën e maturantëve për të dhënë provimin e maturës shtetërore, sepse matura e shtetit, sipas ligjit të miratuar në këtë Kuvend, është kusht për t’u regjistruar në universitete brenda dhe jashtë vendit, u përgjigj Ministri i Arsimit dhe Shkencës Mila Carovska në seancën e sotme në pyetjet parlamentare.
“Ne si vend, nëse nuk sigurojmë diplomim, u mohojmë nxënësve të drejtën për t’u regjistruar në arsimin e lartë. Ajo që jepet si një opsion në konceptin e diplomimit shtetëror, është e drejta e diplomimit në shkollë dhe e drejta e një provimi profesional, për të gjithë ata që nuk duan të marrin provimin e maturës shtetërore.
Arsimi i mesëm është i detyrueshëm me ligj, por provimi i maturës shtetërore është një opsion. Fakti që partia juaj del dhe inkurajon një bojkot për mosrespektim të ligjit, mendoj se duhet të diskutohet në këtë Kuvend, sepse të gjithë ne, qofshim zyrtarë, qytetarë, deputetë, kemi një detyrim për të zbatuar ligjin. Diplomimi është pjesë e rregullimit ligjor në Republikën e Maqedonisë së Veriut”, tha Carovska.
Lidhur me vendimin për të mos dhënë maturën vitin e kaluar, Ministrja sqaroi se ai ishte marrë në kushte emergjence, në të cilën nuk jemi tani./Telegrafi/
The post Carovska: Kemi për obligim që të organizojmë maturën shtetërore appeared first on Telegrafi.
