Nevoja e lartë për financim në fushën e bujqësisë ka bërë që numri i aplikimeve për të përfituar fondeve të kalojë përtej parashikimeve. Në 25 janar u mbyllen aplikimet për fondet e programit IPARD 2, me një shumë financimi prej 30 mln euro.
“Deri më tani kemi patur 360 aplikime në total. Ne e konsiderojmë këtë thirrje të suksesshme pasi duke parë situatën në vitin e kaluar pritshmëritë tona ishin për 150 aplikime, por niveli ka qenë i lartë edhe pse këto fonde ishin të dedikuara për dy masa, kryesisht për ferma dhe sektorin agropërpunues”, thotë Frida Krifca, drejtore e AZHBR
Tashmë pritet që dosjet të kalojnë për verifikim për të parë sa prej tyre do të përzgjidhen për të lidhur kontratat, ku investimet e mëdha pritet të jenë në filtër.
“Për sa i përket investimeve të vogla si ç’janë blerja e një traktori apo ne operojmë brenda pak kohësh në lidhje kontrate, por investimet e mëdha që kanë të bëjnë me verifikim të çmimeve dhe kostove na duhet pak më shumë kohë dhe kjo mendoj se është themra e akilit për punën tonë, me qëllim mbylljen në kohë të tyre.”
Por në total nga porgami i IPARD janë rreth 500 kontratë që do të lidhen çka janë një injektim i rëndëishëm në ekonomi dhe kryesisht në sektorin e bujqësisë.
“Në total nga fondi prej 90 mln euro i programit IPARD, me tre thirrje 1,2, 3 mendohet të lidhen 500 kontrata investimi.”
Me investimet që pritet të nisin nga ky program si dhe me skemën e naftës pa taksa, gjatë këtij viti, bujqësia pritet të jetë ndër sektorët që do të udhëheqë rritjen.
