SPAK pritet të kontaktojë me autoritetet italiane, për përgjimet e publikuara pas hetimit të antimafias italiane për grupin mafioz Ndrangheta. Në përgjime janë përmendur dhe emra biznesmenësh e politikanësh në Shqipëri.
I ftuar në Spotlight nga Alban Dudushi, juristi Jordan Daci ka mbështetur këtë vendim dhe pohoi se SPAK, padyshim duhet të nisë një hetim.
“Kjo çështje duhet të ketë përkrahje maksimale edhe nga mazhoranca aktuale që drejtësia të bëjë punën e vet.
Tek ne, hetimet kanë filluar për gjëra krejt më pak, më shumë më tepër banale se sa kjo. Ke një përgjim të bërë në kushte të ligjshme nga një Prokurori antimafie, ku hidhen dyshime se në Shqipëri ka aktivitet se s’bën, minimumi tek SPAK-u lind detyrimi që të fillojë verifikimet, ta analizojë dh etë fillojë hetimin padyshim.”
