Shpronësimi i tokës për spitalin e Fierit, kalon akti normativ, negociata me pronarët 

Kuvendi i dha të drejtë Agjencisë Shtetërore të Shpronësimeve të negociojë me banorët që preken nga ndërtimi i Spitalit të Fierit.

Sipas të dhënave zyrtare nga Ministria e Infrastrukturës, procesi i shpronësimeve do të kryhet brenda 90 ditëve.

Akti normativ i miratuar në Komisionin e Ligjeve, i jep të drejtë shtetit që të marrë tokën në dorëzim, ende pa paguar pronarët për tokën e tyre.

Këta të fundit kanë rënë parimisht dakord, por shuma konkrete të cilën do ta përfitojnë, do të jetë e negociueshme.

Bëhet fjalë për një sipërfaqe prej 50 mijë metra katror, ndërsa numri i familjeve që preken nga ky proces është 12.

Spitali Rajonal i Fieri është një objekt që është premtuar se do të ndërtohet nga qeveria turke brenda datës 25 prill.