Skrapari, Poliçani dhe Ura-Vajgurore janë pa energji elektrike që prej mesditës së kësja të diele. Kjo situatë e rënduar është krijuar si pasojë e motit të keq dhe erërave të forta, që kanë dëmtuar kabinat elektrike.
Mësohet se ekipet e OSHEE-së kanë dalë në terren dhe po punojnë për riparimin e difekteve dhe normalizimin e situatës së krijuar.
Burimet zyrtare nga institucioni i Prefektit të qarkut bëjnë me dije se spitalet, qendrat shëndetësore dhe poliklinika janë të gjitha me energji elektrike.
Prefektja e Qarkut Berat,Valbona Zylyftari njoftoi se edhe këtë të diel janë zhvilluar mbledhjet e Komisionit të Mbrojtjes Civile, ku iu është kërkuar anëtarëve të jenë të kujdesshem në vlerësimin dhe menaxhimin e riskut.
Advertisement
