Ministri i Jashtëm i Greqisë, Nikos Dendias ishte në Bruksel për të marrë pjesë në mbledhjen e Këshillit të Punëve të Jashtme të BE, ku u diskutua mundësia e sanksioneve kundër Turqisë për sjelljen e saj në Mesdheun lindor.
Menjëherë pas takimit, Nikos Dendias tha se Turqia po kërcënon me luftë.
“Ankaraja vazhdoi sjelljen e saj të papranueshme. Kërcënoi Greqinë për nëse shtrin ujërat e saj territoriale në 12 milje detare. Një diskutim i gjerë u zhvillua sot dhe u vu re nga të gjithë Ministrat e Jashtëm se Turqia nuk e kuptonte mesazhin pozitiv të Bashkimit Evropian nga Këshilli Evropian i Tetorit.”
Në tetor Këshilli Evropian paralajmëroi Turqinë të ndalonte eksplorimin e ujërave të Mesdheut Lindor, në rast të kundërt do të përballej me pasoja.
