“Në Shkup dikush mendon se Bullgaria do të bëjë lëshime për shkak të ndjenjave vëllazërore dhe solidaritetit. Ata mendojnë se dikush nga jashtë do të bëjë presion mbi Bullgarinë. Megjithatë, kjo nuk do të ndodh”.
Këtë e ka deklaruar ministri bullgar i Mbrojtjes dhe lider i partisë VMRO, Krasimir Karakaçanov, përcjell Telegrafi Maqedoni.
Sipas tij, është e pamendueshme që Kuvendi bullgar të votojë për lëshime dhe se ndryshimi i pozicionit të Bullgarisë nuk do të kalonte në asnjë përbërje parlamentare.
“Do të shohim çfarë do të ndodh për një javë. Zgjedhja nëse do të jenë pjesë e BE-së është e tyre. Nuk do të bëhen anëtar të BE-së duke e goditur tavolinën”, tha Karakaçanov për televizionin bullgar BTV.
Ai shtoi se marrëveshja për fqinjësi të mirë në mes Maqedonisë së Veriut dhe Bullgarisë është mjaft e mirë, por nëse respektohet./Telegrafi/
The post Karakaçanov: Bullgaria nuk do të bëjë lëshime ndaj Maqedonisë së Veriut appeared first on Telegrafi.
