Zëvendëskryeministri i parë dhe ministri për Sistem Politik dhe Marrëdhënie ndërmjet Komuniteteve, Artan Grubi sot e takoi në kabinet kandidatin për kryeministër në zgjedhjet kuvendare nga radhët e BDI-së, Naser Zyberin.
Zyberi uroi Artan Grubin për pozitën në Qeveri. Ai gjithashtu gjatë takimit theksoi se është i hapur për bashkëpunim, përcjell Telegrafi Maqedoni.
Nga kabineti i Grubit theksojnë se ai ka falënderuar për mbështetjen duke e ftuar që Zyberi të jetë pjesë aktive e strukturimit.
Grubi, shtojnë nga kabineti, gjatë takimit ka thënë se çdo përvojë e dalë nga një intelektual siç është Zyberi është e mirëseardhur.
“Zyberi ishte figura kryesore gjatë zgjedhjeve të fundit dhe dëshmoi se barabarësia në Maqedoninë e Veriut nuk dëmton askënd, përkundrazi, ndihmon në ndërtimin e një demokracie të shëndoshë që i nevojitet vendit për t’u bërë antëtar në NATO”, tha Grubi./Telegrafi/
The post Grubi i ofron bashkëpunim Naser Zyberit appeared first on Telegrafi.
