Kryeministri Zoran Zaevi i shoqëruar me zëvendëskryeministrin për luftë kundër korrupsionit, për zhvillim të qëndrueshëm dhe resurse njerëzore Lupço Nikollovskin, shefin e diplomacisë Bujar Osmanin, ministrin e Drejtësisë Bojarn Mariçiqin dhe sekretarët shtetërorë Kalina Gaberin nga Sekretariati për Çështje Evropiane dhe Zoran Popovin nga Ministria e Punëve të Jashtme, sot kanë mbajtur takim informues në mëngjesin e sotëm me ambasadorët e vendeve anëtare të Bashkimit Evropian në shtetin tonë, bëri të ditur pres shërbimi qeveritar.
Në takim kryeministri Zaev në emër të Qeverisë i prezantoi prioritetet strategjike në mandatin e ardhshëm katërvjeçar me rishikim të veçantë në integrimet euroatlantike të vendit.
Zaevi tha se mandatin e kaluar të Qeverisë ka bërë kthesë të plotë në politikën e jashtme të vendit, hapjen dhe zgjidhjen e kontesteve me dekada me fqinjët, anëtarlsim në NATO dhe e filloi procesin e transformimit për inkuadrim drejt BE-së.
“Ky mandat do t’u përkushtohet reformave të plota të të gjithë shoqërisë. Jemi të vetëdijshëm për sfidat të cilat kriza e koronës i sjell, por megjithatë do të qëndrojmë plotësisht të përqendruar në reformat në gjyqësi, ndërtim të ekonomisë së re tranformuese, mbrojtjen e mjedisit të jetesës dhe përmirësimin e standardit të jetesës të të gjitha kategorive të qytetarëve në vendin tonë. Kemi plan për hapjen e 80% të kapitujve deri në vitin 2024, të sendërtojmë një strukturë të fortë negociuese me pjesëmarrjen e të gjithë faktorëve, krijimin e programeve buxhetore për negociata me BE-në. E përforcojmë ekipimin kadrovik dhe do të vazhdojmë të sigurojmë mblshtetje për kapacitetet për implementimin e IPA 3”, deklaroi Zaevi.
Zëvendëskryeministri për luftë kundër korrupsionit, zhvillim të qëndrueshëm dhe resurse njerëzore Lupço Nikollovski para ambasadorëve i prezantoi prioritetet e kabinetit të tij.
Euromabasadori Samuel Zhbogar në emër të Bashkimit Evropian i transmetoi pritjet për reforma të shpejta dhe cilësore, por edhe theksoi se partnerët evropianë të Maqedonisë së Veriut mbesin vazhdimisht të përkushtuar për ndihmë për vendin në përmirësimin e pasojave të cilat kanë ndodhur nga kriza e koronavirusit dhe përpjekjet reformuese të Qeverisë së re.
Ambasadorët i përcollën edhe urimet e qeverive të tyre, si dhe pritjet për bashjkëpunim të mëtejshëm intensiv si në nivel dypalësh, ashtu edhe në atë multilateral./Telegrafi/
The post Zaev në takim me ambasadorët e BE-së: Eurointegrimet dhe reformat e plota janë prioritet appeared first on Telegrafi.
